- Advertisement -
امريڪا شام ۾ داعش جي ٺڪاڻ تي وڏي پيماني تي حملا ڪري ڇڏيا.
امريڪي سينٽرل ڪمانڊ (سينٽڪام) پيغام ۾ چيو آحي ته اتحادي فوج سان گڏ شام ۾ داعش جي ڪيترن ئي ٺڪاڻن تي وڏي پيماني تي حملا ڪيا آهن.
سينٽڪام تازن حملن کي “آپريشن هاڪ آءِ اسٽرائيڪ” جو حصو قرار ڏنو جيڪو 19 ڊسمبر 2025ع تي صدر ٽرمپ جي هدايت تي ڪيو ويو هو.
هي آپريشن 13 ڊسمبر تي شام جي شهر پالميرا ۾ امريڪي ۽ شامي فوج تي داعش جي حملن جي رد عمل ۾ شروع ڪيو ويو جنهن ۾ 2 امريڪي فوجي ۽ هڪ امريڪي شهري مارجي ويا هئا.
امريڪي اختيارين موجب تازن حملن جو مقصد داعش خلاف ڪارروايون جاري رکڻ، مستقبل جي حملن کي روڪڻ ۽ خطي ۾ امريڪي ۽ اتحادي فوج تحفظ يقيني بڻائڻ آهي.
سينٽڪام خبردار ڪيو ته جيڪڏهن امريڪي فوجين کي نقصان پهچايو ويو ته ذميوارن کي دنيا جي ڪنهن به حصي ۾ ڳولهي انجام تائين پهچايو ويندو……….
- Advertisement -
