امريڪي پرڏيهي کاتي جي ترجمان ميٿو ملر چيو آهي ته امريڪا پاڪ-ايران گيس پائپ لائين جي حمايت نٿو ڪري، ايران سان ڪاروبار سان پاڪستان تي پابنديون لڳائي سگھجن ٿيون.
واشنگٽن پريس بريفنگ ڏيندي ميٿو ملر چيني قافلي تي دهشتگرد حملي جي سخت لفظن ۾ مذمت ڪندي چيو آهي ته پاڪستان ۾ جاني نقصان تي ڏک ٿيو آهي، ڪوبه ملڪ دهشتگردي جي ڪاررواين جو شڪار نه ٿيڻ گھرجي.
هن چيو ته هـُو پاڪستان کي ايران سان ڪوبه معاهدو نه ڪرڻ جو مشورو ڏين ٿا، جڏهن ته امريڪا پاڪ-ايران گيس پائپ لائين منصوبي جي حق ۾ ناهي.
ميٿو ملر جو چوڻ هو ته ايران سان ڪاروبار سان پاڪستان جي امريڪي پابندين ۾ اچڻ جو خطرو آهي.
امريڪي پرڏيهي کاتي جي ترجمان چيني انجنيئرن تي دهشتگرد حملن جي مذمت پڻ ڪئي.
