اميدوارن جي نامزدگي ڪاغذن جي ڇنڊڇاڻ جو آخري ڏهاڙو

سنڌ سميت سڄي ملڪ ۾ اميدوارن جي نامزدگي ڪاغذن جي ڇنڊڇاڻ جاري آهي جڏهن ته جنرل سيٽن تي عام چونڊن لاءِ ڪاغذن جي ڇنڊڇاڻ جو آخري ڏهاڙو آهي. اليڪشن ڪميشن طرفان مخصوص سيٽن لاءِ نامزدگي ڪاغذن جي تاريخ تبديلي ڪئي وئي آهي. پي ٽي آءِ باني جي نامزدگي ڪاغذن تي فيصلو اڄ اچڻ جو امڪان آهي. اڳوڻي وزيراعظم نواز شريف ۽ مريم نواز جي ڪاغذن جي ڇنڊڇاڻ اڄ ئي ٿيندي جڏهن ته پ پ چيئرمين بلاول ڀٽو زرداري جي نامزدگي ڪاغذن تي به فيصلو اڄ اچي سگهي ٿو. منظور يا رد ٿيڻ تي اپيل جو حق 3 جنوري تائين هوندو، اميدوار 12 جنوري تائين نامزدگي ڪاغذ واپس وٺي سگهندو. اپيلن تي اليڪشن ٽربيونلز 10 جنوري تائين فيصلو ڪندا، چونڊ نشان 13 جنوري تي ڏنا ويندا، ملڪ ۾ عام چونڊون 8 فيبروري تي ٿينديون، 28 هزار 626 نامزدگي ڪاغذ جمع ڪرايا ويا هئا.