ايشياڪپ جي سپر فور مرحلي ۾ ڀارت سريلنڪا کي 41 رنسن تان شڪست ڏئي فائنل لاءِ ڪواليفاءِ ڪري ورتو آهي.
ڪولمبو ۾ کيڏيل ميچ ۾ ڀارتي ٽيم جي ڪپتان روهيت شرما ٽاس کٽي اڳ ۾ بيٽنگ ڪرڻ جو فيصلو ڪيو.
ڀارتي ٽيم اڳ ۾ کيڏندي 49 ڏهائي هڪ اوورن ۾ 213 رنسون ٺاهي آئوٽ ٿي وئي.
ڀارت طرفان روهيت شرما 53، ڪي ايل راهول 39، اشان ڪشن 33 ۽ اڪشر پٽيل 26 رنسون ٺاهي نمايان رهيا.
سريلنڪا طرفان دُينيٿ 5 ۽ اسالانڪا 4 شڪار ڪيا، جڏهن ته مهيش هڪ وڪيٽ حاصل ڪئي.
ڀارت طرفان مليل 214 رنسن جو آسان حدف به سريلنڪن ٽيم حاصل نه ڪري سگهي ۽ 41 ڏهائي 3 اوورن ۾ 172 رنسن تي ڍير ٿي وئي.
سريلنڪا طرفان ڊُنيٿ 42، ڊي سلوا 41 ۽ اسالانڪا 22 رنسون ٺاهي نمايان رهيا.
ڀارت طرفان ڪلديپ يادو هڪ ڀيرو وري شاندار بالنگ جو مظاهرو ڪندي 4 وڪيٽون ورتيون، ڀمرا ۽ جديجا 2-2، سراج ۽ پانڊيا هڪ هڪ وڪيٽ حاصل ڪئي. چار وڪيٽون وٺڻ تي ڪلديپ يادو کي ميچ جو بهترين رانديگر قرار ڏنو ويو..
