ايم ڪيوا يم پنهنجي مئل سياست کي زنده ڪرڻ لاءِ پ پ تي تنقيد ڪري ٿي : شرجيل ميمڻ

سنڌ حڪومت، ايم ڪيو ايم سربراهه خالد مقبول صديقي جي بلاول بابت بيان تي سخت رد عمل ظاهر ڪيو آهي. سينيئر صوبائي وزير شرجيل ميمڻ جاري ڪيل بيان ۾ چيو ته ايم ڪيوا يم پنهنجي مئل سياست کي زنده ڪرڻ لاءِ پ پ تي تنقيد ڪري ٿي. هن چيو ته ڪراچيءَ جي عوام لاءِ ايم ڪيو ايم ماضيءَ جو هڪ ڊيڄاريندڙ خواب آهي، هو ايم ڪيو ايم جي ڪنهن به اڳواڻ جي بيان کي هو سنجيده ناهن وٺندا. شرجيل ميمڻ چيو ته ڪراچيءَ ۾ واپارين جي مان ۾ اجتماع هڪ ڪامياب   تقريب  هئي،  جنهن جو مقصد واپارين جي مسئلن جي نشاندهي ۽ حل ڪرڻ هو، واپارين ٿورا مڃيا ته هاڻي کين ڀتي جون پرچيون ۽ ٻوري بند لاش نه پيا ملن، قربانيءَ جون کلون نه پيون کسيون وڃن. ڪراچيءَ جي ميئر مرتضيٰ وهاب جاري ڪيل بيان ۾ چيو ته ايم ڪيو ايم اڳواڻن جي پ پ خلاف پريس ڪانفرنس ڪوڙ کانسواءِ ڪجهه نه هئي. هن چيو ته ايم ڪيو ايم جو ماضي ڀتي خوري ۽ ٻوري بند لاشن سان ڀريل آهي، ايم ڪيو ايم وارا ڪراچي جي ترقي کي برداشت نٿا ڪري سگهن….