- Advertisement -
ايم ڪيو ايم پاڪستان، وزيراعظم شهباز شريف کان ستاويهين آئيني ترميم ۾ مڪاني حڪومتن کي اختيار ڏيڻ جو مطالبو ڪري ڇڏيو.
وزيراعظم هائوس ۾ ايم ڪيو ايم پاڪستان جي ست رڪني وفد وزيراعظم شهباز شريف سان ملاقات ڪئي.
ايم ڪيو ايم وفد ۾ سنڌ جو گورنر ڪامران ٽسوري، ڪنوينر خالد مقبول صديقي، وفاقي وزير مصطفيٰ ڪمال، ڊاڪٽر فاروق ستار، جاويد حنيف خان، امين الحق ۽ خواجا اظهار الحسن شامل هئا.
ملاقات ۾ نائب وزيراعظم اسحاق ڊار، قومي اسيمبليءَ جو اسپيڪر اياز صادق، بچاءَ وارو وزير خواجا آصف، قانون وارو وزير، اعظم نذير تارڙ، سڌ سماءَ وارو وفاقي وزير عطا تارڙ ۽ ٻيا به موجود هئا.
ذريعن موجب، ملاقات دوران ستاويهين آئيني ترميم بابت خيالن جي ڏي وٺ ڪئي وئي.
ذريعن موجب، ايم ڪيو ايم اڳواڻن وزيراعظم کان 27هين آئيني ترميم ۾ مڪاني حڪومتن کي اختيار ڏيڻ جو مطالبو ڪيو آهي.
- Advertisement -
