اٽي ۽ بجلي ۾ رليف ڏيڻ لاءِ ترقياتي بجيٽ مان ڪٽ لڳائڻو پيو ته به لڳائيندا: وزيراعظم آزاد ڪشمير

آزاد ڪشمير جي وزيراعظم چوڌري انوارالحق چيو آهي ته اٽي ۽ بجلي ۾ رليف ڏيڻ لاءِ ترقياتي بجيٽ مان ڪٽ لڳائڻو پيو ته به لڳائيندا. اسلام آباد ۾ پريس ڪانفرنس ڪندي هن چيو ته عوامي ايڪشن ڪميٽي جنهن سطح تي ڳالهيون ڪرڻ چاهي ٿي ان لاءِ هو تيار آهن. آزاد ڪشمير جي وزيراعظم چيو ته پاڪستان حڪومت سان لاڳاپيل مطالبا وفاق آڏو اٿاريندا، سندن دشمن بزدل آهي، عوام جو تحفظ اولين ترجيح آهي. هن چيو ته حڪومت جي صبر ۽ تحمل واري پاليسي جي ڪري آزاد ڪشمير ۾ ڪو به جاني نقصان نه ٿيو آهي. چوڌري انوارالحق چيو ته سوشل ميڊيا تي پروپئگنڊا ڪئي پئي وڃي، آزاد ڪشمير پوليس صبر جو مظاهرو ڪري رهي آهي……..