بابر اعظم ۽ شاهين شاهه آفريدي جي آءِ سي سي نئين ٽيسٽ پليئرز رينڪنگ ۾ ترقي

آءِ سي سي نئين ٽيسٽ پليئرز رينڪنگ ۾ قومي ٽيم جي ڪپتان بابر اعظم ۽ فاسٽ بالر شاهين شاهه آفريدي جي ترقي ٿي وئي. آءِ سي سي جي طرفان رانديگرن جي نئين ٽيسٽ رينڪنگ ۾ نيوزيلينڊ جي ڪين ويلمسن جي پهرين پوزيشن برقرر آهي، جڏهن ته انگلينڊ جي مڊل آرڊر بيٽر جوءِ روٽ هڪ درجو ترقي ماڻي ٻئي نمبر تي اچي ويو. آسٽريليا جو اسٽيو اسمٿ ٻه درجا ترقي ماڻي ٽئين نمبر تي اچي ويو، جڏهن ته پاڪستاني ٽيم جو ڪپتان بابر اعظم رينڪنگ ۾ ٻه درجا ترقي ماڻي چوٿين نمبر تي پهچي ويو. آسٽريليا جي مارنس لبوشين 3 درجا پوئتي ٿيڻ بعد پنجين نمبر تي اچي ويو، ٽريوس هيڊ ڇهين، عثمان خواجه ستين، هيري بروڪ نائين ۽ پاڪستان جو سعود شڪيل 15 ۽ عبدالله شفيق 21 هين نمبر تي موجود آهي. ٽيسٽ بالرن جي رينڪنگ ۾ ڀارت جو روي چندرن ايشون جي پهرين پوزيشن برقرار آهي، جڏهن ته پاڪستان جو اسٽار بالر شاهين شاهه آفريدي رينڪنگ ۾ ٽي درجا ترقي ماڻي ڇهين نمبر تي اچي ويو.