- Advertisement -
باقراڻي ويجهو بروهي برادريءَ جي ٻن ڌرين ۾ سڱاوتي تڪرار تان جهيڙي دوران هٿياربندن ڀاءُ ڀيڻ کي گوليون هڻي قتل ڪري ڇڏيو، سندن ماءُ زخمي ٿي پئي.
ڳوٺ حيدر بروهي ۾ سڱاوتي تڪرار تان هٿياربندن جي فائرنگ ۾ 32 سالن جو نديم پٽ مرحول الاهي بخش بروهي ۽ سندس ڀيڻ فضيلا مارجي ويا، سندن ماءُ 60 سالن جي قائم خاتون زخمي ٿي پئي.
اطلاع تي پوليس پهچي فوتين جا لاش پوسٽ مارٽم لاءِ ڏوڪري اسپتال کڻائي وئي ۽ زخمي عورت کي ڳڻتي جوڳي حالت ۾ لاڙڪاڻي جي اسپتال منتقل ڪيو ويو آهي.
واضح رهي ته عورت قائم خاتون ڳوٺ جي استاد دوست محمد بروهي سان پسند جي شادي ڪئي هئي جنهن بعد ڌرين ۾ تڪرار هلندڙ هو.
ڪجهه ڏينهن اڳ ٻنهي ڌرين ۾ راڄوڻي ٺاهه پڻ ٿيو هو.- Advertisement -
