- Advertisement -
باڊهه ويجهو ڳوٺ محمد ڇٽل ابڙو وٽان رائيس ڪئنال مان نڪرندڙ باڊهه شاخ کي 30 فوٽ گهارو پئجي ويو، ڪيترائي ڳوٺ ۽ سوين ايڪڙن تي بيٺل فصل پاڻي هيٺ اچي ويو.
ڳوٺاڻن ممتاز ابڙو، غلام ياسين ابڙو ۽ ٻين جو چوڻ آهي ته هنن آبپاشي عملدارن کي اطلاع ڏنو پر اهي اڃا نه پهتا آهن.
ڳوٺاڻن جو چوڻ هو ته اهي پنهنجي مدد پاڻ تحت گهارو بند ڪرڻ جي ڪوشش ۾ رُڌل آهن.
هنن چيو ته رائيس ڪئنال مان نڪرندڙ موندر ريگوليٽر تي آبپاشي عملدار موجود نه هو نه ئي موندر ريگوليٽر جا دروازا بند ڪيا ويا.
ڳوٺاڻن چيو ته باڊھ شاخ جا ڪپر ڪمزرو آهن ڪيترائي ڀيرا آبپاشي عملدارن کي چيو آهي ڪنهن به نوٽيس ناهي ورتو، نوٽيس نه وٺڻ سبب گهارو لڳو آهي، گهارو لڳڻ سبب سوين ايڪڙن تي بيٺل فصل پاڻي هيٺ اچي ويو آهي ۽ ڪيترن ئي ڳوٺن ۾ پاڻي داخل ٿي ويو آهي.- Advertisement -
