- Advertisement -
باگڙچي جي ڪچيءَ واري علائقي ۾ جتوئي برادري ۾ جهيڙي دوران ست ڄڻا مارجي ويا.
سعيد آباد ٿاڻي جي حد ڳوٺ نيباهو ۽ گنجلي ڳوٺ ۾ رمضان جتوئي ۽ يعقوب عطراڻي جتوئي جي ڌرين ۾ پراڻي زميني تڪرار تان جهيڙو ٿي پيو.
جهيڙي دوران ڌرين طرفان هڪٻئي مٿان جديد هٿيارن سان فائرنگ ڪئي وئي، جنهن جي نتيجي ۾ ٽن ڀائرن سميت ست ڄڻا قتل ٿي ويا.
مارجي ويلن ۾ ميهرو عرف ميهر عطراڻي، سندس ٻه ڀائر ڇَتل جتوئي، راجا جتوئي، واجد جتوئي، گلبهار ۽ معشوق جتوئي شامل آهن.
فائرنگ ۾ يعقوب جتوئي ڌر جو بابو عرف ڦاڙهو عطراڻي پڻ جتوئي قتل ٿي ويو.
ستن ڄڻن جي قتل کانپوءِ ڌريون مورچابند ٿي ويون ۽ هڪٻئي مٿان فائرنگ جو سلسلو وقفي وقفي سان جاري رهيو، جنهن ڪري علائقي ۾ ڏهڪاءُ پکڙجي ويو.- Advertisement -
