بجلي جي قيمتن ۾ ڳاٽي ٽوڙ واڌ تي عوامي احتجاج ڳڻتي جوڳو آهي,امتياز شيخ

اڳوڻي صوبائي وزير امتياز شيخ چيو آهي ته بجلي جي قيمتن ۾ ڳاٽي ٽوڙ واڌ تي عوامي احتجاج ڳڻتي جوڳو آهي، عوام مهانگي بجلي جا بل ڀرڻ جي سگهه نٿو رکي، نگران حڪومت فوري طور بجلي جي قيمتن ۾ 15 کان 20 رپين تائين گهٽتائي ڪري ۽ گهريلو واهپيدارن لاءِ رليف جي حد 2 سئو يونٽ کان وڌائي 3 سئو يونٽ ڪئي وڃي. امتياز شيخ جو چوڻ هو ته آفيسر شاهي ۽ سرڪاري ملازمن کي مفت ملندڙ بجلي جي سهولت ختم ڪئي وڃي ۽ بجلي جي بلن ۾ اضافي ٽيڪسز کي فوري طور تي واپس ورتو وڃي.