- Advertisement -
بجلي واهپيدارن لاءِ وڏي خوشخبري آئي آهي، حڪومت بنيادي ٽيرف ۾ اضافو نه ڪرڻ جو فيصلو ڪيو آهي.
ايڊيشنل سيڪريٽري پاور ڊويزن نيپرا ۾ ٿيل ٻڌڻي دوران بريفنگ ڏيندي ٻڌايو ته بجلي جي اگهن ۾ اضافي کان بچڻ لاءِ سبسڊي کي ايڊجسٽ ڪيو ويو آهي جنهن سبب هاڻي ٽيرف وڌائڻ جي ضرورت ناهي رهي.
پاور ڊويزن اختيارين موجب، جولاءِ کان هن وقت تائين توانائي مڪس ۾ نمايان تبديلي آئي آهي جنهن سان پيداواري لاڳت بهتر ٿي ۽ واهپيدارن کي رليف ڏيڻ ممڪن ٿيو.
اختيارين واضح ڪيو ته حڪومت سمورين حالتن کي نظر ۾ رکندي ٽيرف ۾ ڦيرڦار نه ڪرڻ جو قطعي فيصلو ڪيو آهي.
اختيارين جو چوڻ آهي ته هن وقت سڄي ملڪ ۾ سمورين ڪيٽيگريز جي بجلي واهپيدارن کي مجموعي طور 629 ارب رپين جي سبسڊي فراهم ڪئي پئي وڃي ته جيئن عوام کي بجلي سستي ملي.
- Advertisement -
