برازيل ۾ ھڪ انوکو واقعو پيش آيو جتي ھڪ مئل شخص جي ذريعي بينڪ ۾ قرض وٺڻ لاءِ عورت پهتي.
پرڏيھي ميڊيا رپورٽس موجب اھو واقعو برازيل جي رياست ريو ۾ پيش آيو، جتي ھڪ عورت وھيل چيئر تي پنھنجي 68 سال جي پيرسن کي بينڪ قرض وٺڻ لاءِ پھچي وئي جيڪو بي جان ۽ بي وس ھو.
ميڊيا رپورٽس ۾ ٻڌايو پيو وڃي ته عورت بينڪ مان 3 ھزار 250 ڊالر جو قرض وٺڻ وئي ھئي، جنھن جي ويڊيو بينڪ ۾ لڳل سي سي ٽي وي ڪيمري ۾ محفوظ ٿي جيڪا خبرن سان گڏوگڏ سوشل ميڊيا جي به زينت بڻيل آھي
ويڊيو ۾ ڏسي سگھجي ته عورت پنھنجي مئل مائٽ کي بار بار قلم پڪڙائي قرض وٺڻ لاءِ سائن جو چئي رھي ھئي قلم نه پڪڙڻ ۽ اکيون بندٿيڻ تي بينڪ نمائيندي کي تشويش ٿي جنھن تي عورت کان سوال جواب شروع ڪيا ۽ پوليس کي طلب ڪيو
ميڊيا رپورٽس جي موجب پوليس بينڪ پھچي عورت کي گرفتار ڪيو ۽ گڏ مئل پيرسن شخص کي سرد خاني منتقل ڪيو
ميڊيا رپورٽس جي موجب عورت وڪيل جي طرفان موقف اختيار ڪيو ويو 68 سال شخص بينڪ ۾ فوت ٿي ويو ھو، جنھن مان عورت کي ڄاڻ نه ھئي ، جڏھن ته پوليس جي فارنزڪ رپورٽ جي موجب پيرسن شخص جي فوتگي ڪجھھ ڪلاڪ پھريان ٿي ھئي..