برسات وسائڻ وارو سسٽم 2 مارچ تائين برقرار, اسلام آباد، پنجاب، خيبرپختونخوا، گلگت بلتستان ۽ ڪشمير ۾ برسات ۽ جبلن تي برفباري جو امڪان

اولهندي هوائن جو سسٽم بلوچستان ۾ داخل ٿي ويو جنهن کانپوءِ ڪوئيٽا سميت صوبي جي اڪثر علائقن ۾ تيز برسات پئي. گذريل ڏينهن چمن ۽ ڀرپاسي جي علائقن ۾ تيز برسات ۽ مٿين علائقن ۾ برفباري ٿي آهي. تيز برسات سبب بلوچستان جي اڪثر علائقن ۾ بجلي ۽ مواصلاتي نظام متاثر ٿي ويو. ٻئي پاسي لاهور، ملتان، چيچه وطني سميت پنجاب جي ڪيترن ئي شهرن ۾ به برسات پئي جنهن سبب ڏکڻ ۽ اتر وزيرستان ۾ به ڪڪر وسيا. موسميات کاتي جو چوڻ آهي ته برسات وسائڻ وارو سسٽم 2 مارچ تائين برقرار رهڻ جي اميد آهي جنهن موجب اسلام آباد، پنجاب، خيبرپختونخوا، گلگت بلتستان ۽ ڪشمير ۾ برسات ۽ جبلن تي برفباري جو امڪان آهي. ان کان علاوه اڄ سنڌ جي مختلف شهرن ۾ به هلڪي برسات جو امڪان آهي.