برطانيه، فرانس ۽ جرمني ايران جي روس کي ميزائل ڏيڻ واري قدم کي سلامتي لاءِ خطرو قرار ڏئي ڇڏيو

برطانيا، فرانس ۽ جرمني گڏيل بيان ۾ چيو آهي ته ايران طرفان روس کي بيلسٽڪ ميزائل ڏيڻ جا اطلاع آهن، ايران جو اهو قدم يورپي سلامتي لاءِ سڌي ريت خطرو آهي. گڏيل بيان ۾ اولهه جي ٽنهي ملڪن مطالبو ڪيو ته ايران فوري طور يوڪرين جنگ ۾ روس جي مدد ڪرڻ بند ڪري، ميزائلن جي فراهمي ڇڪتاڻ وڌائڻ جي برابر آهي. ٻئي پاسي ايران روس کي بيلسٽڪ ميزائل فراهم ڪرڻ جي خبرن جي ترديد ڪئي آهي. پنهنجي ردعمل ۾ ايران جو چوڻ آهي ته غزه ۾ نسل ڪشي لاءِ آمريڪي ۽ اولهه هٿيارن جي غير قانوني استعمال کي لـِڪائڻ لاءِ پروپيگنڊا ڪئي پئي وڃي. ايراني هٿيار ٻي ملڪن کي ڏيڻ جون ڪوڙيون خبرون ڦهلائيندڙ اولهه جا ملڪ پاڻ اسرائيلي حڪومت کي جنگي ڏوهن لاءِ هر قسم جا هٿيار فراهم ڪن ٿا……….