بلاول ڀٽو زرداري، پ پ شهيد ڀٽو جي باني مير مرتضيٰ ڀٽو کي سندس ورسي تي شاندار ڀيٽا پيش ڪئي

پ پ چيئرمين بلاول ڀٽو زرداري، پ پ شهيد ڀٽو جي باني مير مرتضيٰ ڀٽو کي سندس ورسي تي شاندار ڀيٽا پيش ڪئي، سندس چوڻ آهي ته ڀٽو خاندان عوام لاءِ عظيم قربانيون ڏنيون آهن، مير مرتضيٰ ڀٽو جي خون سميت ڀٽو خاندان جون قربانيون تاريخ ۾ هميشه لاءِ محفوظ آهن. پ پ چيئرمين بلاول ڀٽو زرداري، پ پ شهيد ڀٽو جي باني مير مرتضيٰ ڀٽو کي سندس ورسي تي شاندار ڀيٽا پيش ڪندي چيو ته مرتضيٰ ڀٽو هڪ اصول پسند اڳواڻ هو، ڪڏهن پنهنجي قدرن تي سوديبازي نه ڪئي. سندس چوڻ هو ته شهيد مير مرتضيٰ ڀٽو پنهنجي زندگي جرئت ۽ اٽل ارادي سان گذاري، جمهوريت لاءِ سندس قرباني ۽ ظلم خلاف ثابت قدم موقف اڄ به پاڪستانين لاءِ هڪ تحريڪ آهي. پ پ چيئرمين بلاول ڀٽو زرداري چيو ته شهيد مير مرتضيٰ ڀٽو جي شهايت ياد ڏياري ٿي ته ڀٽو خاندان عوام لاءِ ڪيتريون عظيم قربانيون ڏنيون، مير مرتضيٰ ڀٽو جي خون سميت ڀٽو خاندان جون قربانيون تاريخ ۾ هميشه لاءِ محفوظ آهن. پ پ چيئرمين چيو ته هن ورثي کي برقرار رکڻو آهي ۽ هڪ بهتر پاڪستان لاءِ محنت ڪرڻي آهي، هڪ اهڙو پاڪستان جتي انصاف، برابري ۽ عوام جي حقن جو تحفظ ڪيو وڃي. بلاول ڀٽو زرداري چيو ته شهيد مير مرتضيٰ ڀٽو جي ليگيسي اها روشني آهي جيڪا ظلم ۽ ناانصافي خلاف سندس مسلسل جدوجهد ۾ رهنمائي ڪندي آهي.