بلوچستان جي نئين چونڊيل 14 رڪني ڪابينا قسم کڻي ورتو

بلوچستان جي نئين چونڊيل 14 رڪني ڪابينا قسم کڻي ورتو. گورنر هائوس ۾ ڪوٺايل قسم کڻڻ واري تقريب ۾ بلوچستان جي گورنر عبدالولي ڪاڪڙ ڪابينا ميمبرن کي قسم کڻايو. قسم کڻڻ واري تقريب ۾بلوچستان جي وڏي وزير مير سرفراز بگٽي، صوبائي اسيمبلي جي ميمبرن ۽ ٻين شرڪت ڪئي. قسم کڻڻ ۾ مسلم ليگ نون جو سردار عبدالرحمان کيتران، نور محمد دمڙ، عاصم ڪرد، گيلو، شعيب نوشيرواني، راحيله دراني ۽ سليم کوسا شامل آهن. پيپلز پارٽي جي صادق عمراڻي، ظهور بليدي، علي مدد جتڪ، بخت ڪاڪڙ، سردار سرفراز ڊومڪي ۽ فيصل جمالي به قسم کڻي ورتو. صوبائي ڪابينا ۾ بلوچستان عوامي پارٽي جي مير ضياءَ الله لانگو ۽ نوابزاده طارق مگسي به قسم کنيو.