تحريڪ انصاف انٽرا پارٽي چونڊ بابت اليڪشن ڪميشن جي فيصلي کي پشاور هائيڪورٽ ۾ چئلينج ڪري ڇڏيو

پاڪستان تحريڪ انصاف انٽرا پارٽي چونڊ بابت اليڪشن ڪميشن جي فيصلي کي پشاور هاءِ ڪورٽ ۾ چئلينج ڪري ڇڏيو. تحريڪ انصاف طرفان پشاور هائيڪورٽ ۾ اليڪشن ۽ انٽرا پارٽي چونڊن کي چئلينج ڪندڙ درخواست ڏيندڙن کي به ڌر بڻايو ويو. درخواست ۾ موقف اختيار ڪيو ويو آهي ته پي ٽي آءِ انٽرا پارٽي چونڊن کي چئلينج ڪندڙ پارٽي ميمبر ئي ناهي ۽ اليڪشن ڪميشن چونڊ نشان بيٽ به واپس وٺي ڇڏيو. درخواست ۾ اپيل ڪئي وئي آهي ته اليڪشن ڪميشن وٽ پارٽي چونڊ ڪرائڻ جي طريقي تي فيصلي جو اختيار ناهي، تحريڪ انصاف جي انٽرا پارٽي اليڪشن ۽ چونڊ نشان بابت اليڪشن ڪميشن جو فيصلو ڪالعدم قرار ڏنو وڃي. تحريڪ انصاف عدالت کان سينيئر ججن تي ٻڌل ٻڌل بينچ جوڙڻ ۽ درخواست اڄ ئي ٻڌڻي لاءِ مقرر ڪرڻ جي اپيل ڪئي. اليڪشن ڪميشن انٽرا پارٽي چونڊ پارٽي آئي موجب نه ڪرائڻ تي تحريڪ انصاف کان بيٽ جو نشان واپس ورتو هو.