تحريڪ انصاف باني معافي وٺي سياسي ڌارا ۾ شامل ٿي وڃي ته ڪو اعتراض نه هوندو: خواجه آصف

بچاءَ واري وزير خواجه آصف چيو آهي ته تحريڪ انصاف باني معافي وٺي سياسي ڌارا ۾ شامل ٿي وڃي ته ڪو اعتراض نه هوندو، اڳوڻو وزيراعظم اقتدار حاصل ڪرڻ لاءِ ڪجهه به ڪرڻ لاءِ تيار آهي، پي ٽي آءِ اڃا هاڻي منٿن جي شروعات ڪئي آهي. خانگي ٽي وي سان ڳالهائيندي خواجا آصف چيو ته جيڪڏهن تحريڪ انصاف باني معافي وٺي سياسي ڌار جو حصو بڻجي وڃي ته کين ڪهڙو اعتراض ٿي سگهي ٿو. سندس چوڻ هو ته تحريڪ انصاف باني اقتدار ۾ اچڻ لاءِ ڪجهه به ڪري سگهي ٿو، اڃا هاڻي منٿن جي شروعات ٿي آهي، هي اقتدار ۾ اچڻ لاءِ پيرن تي به ڪري پوندو پر هاڻي مٿس ڪوبه اعتبار ڪرڻ وارو ناهي. بچاءَ واري وزير خواجا آصف چيو ته سڀني کي خبر آهي ته جناح هائوس تي ماڻهو ڪنهن جي چوڻ تي ويا، تحريڪ انصاف باني اقتدار کانسواءِ نٿو رهي سگهي، پي ٽي آءِ باني جنهن بابت اڻوڻندڙ ڳالهيون ڪيون ان جي ئي پيرن تي ڪريو