ترقياتي ڪمن تي پابندي، مڪاني نمائندن جي ڪميٽي طرفان اليڪشن ڪميشن کي خط

سنڌ جي مڪاني نمائندن جي گڏيل ڪميٽي اليڪشن ڪميشن کي خط لکي صوبي ۾ ترقياتي ڪمن تي لڳل پابندي هٽائڻ جو مطالبو ڪري ڇڏيو.

سکر جي ميئر ارسلان شيخ ۽ ٻين نمائندن گڏيل خط لکي ترقياتي ڪمن تان پابندي هٽائڻ جو مطالبو ڪيو.

خط جي متن موجب، سنڌ ۾ ترقياتي ڪمن تي لڳل پابندي ختم ڪئي وڃي، ان سلسلي ۾ هنگامي بنيادن تي غور ڪيو وڃي.

 خط ۾ چيو ويو آهي ته هو تباھه ٿيل انفراسٽرڪچر جي بحالي ڪرڻ چاهن ٿا، ترقياتي ڪمن تي پابندي ختم ٿيڻ کانپوءِ ٻيهر تعمير جو ڪم شروع ٿي سگهي ٿو.

خط ۾ چيو ويو ته سنڌ ۾ گذريل سال ٻوڏ ۽ برساتون تباهي مچائي چڪيون آهن جنهن جي بحالي جو ڪم به ڪرڻو آهي.