توشاخانه مان تحفا ورتا  ويا ۽ وڪرو ڪيا ويا،عطا تارڙ

وزيراعظم جي خاص مددگار عطا تارڙ چيو آهي ته توشاخانه مان تحفا ورتا  ويا ۽ وڪرو ڪيا ويا، هڪ ناليوارو ڏوهاري جنهن تي ملڪ ۾ غداري جو ڪيس آهي، جوابدار توشاخانه جي چوري ۽ 9 مئي جي واقعن ۾ به ملوث آهي، تحريڪ انصاف چيئرمين عدالت کان ڀڳل سرٽيفائيڊ ڀاڳوڙو آهي، هن شوڪت خانم جا پيسا جوا ۾ لڳايا، اڳوڻو وزيراعظم غيرقانوني پيسن سان ڪاروبار ڪندو رهيو آهي. اسلام آباد ۾ ميڊيا سان ڳالهائيندي عطا تارڙ چيو ته توشاخانه ڪيس مان فرار ٿيڻ جي ڪوشش ڪئي پئي وڃي، پي ٽي آءِ چيئرمين شاهدن جي لسٽ پيش ڪئي نه عدالت ۾ پيش ٿيو. سندس چوڻ هو ته تحريڪ انصاف چيئرمين شوڪت خانم جا پيسا جوا ۾ لڳايا، اڳوڻو وزيراعظم غيرقانوني پيسن سان ڪاروبار ڪندو رهيو آهي. وزيراعظم جي خاص مددگار عطا تارڙ چيو ته توشاخانه مان تحفا ورتا پر ڊڪليئر نه ڪيا ويا، 40 پيشين مان رڳو ٽن پيشين تي جوابدار حاضري لڳائي آهي، تحريڪ انصاف چيئرمين کي چوري جو جواب ڏيڻو پوندو.