بلوچستان جي علائقي نوشڪي ۾ فائرنگ جي ٻن ڌار ڌار واقعن ۾ 11 ڄڻا مارجي ويا

بلوچستان جي علائقي نوشڪي ۾ فائرنگ جي ٻن ڌار ڌار واقعن ۾ 11 ڄڻا مارجي ويا، وڏي وزير سرفراز بگٽي نوشڪي ۾ فائرنگ ۾ 11 ڄڻن جي مارجڻ جي مذمت ڪئي آهي، سندس چوڻ آهي ته واقعي ۾ ملوث دهشتگردن کي معاف نه ڪيو ويندو، معصوم ماڻهن تي حملي ۾ ملوث دهشتگردن جو پيڇو ڪيو ويندو، دهشتگردي جي واقعن جو مقصد بلوچستان جو امن تباهه ڪرڻ آهي. بلوچستان جي علائقي نوشڪي ۾ فائرنگ جي ٻن ڌار ڌار واقعن ۾ 11 ڄڻا مارجي ويا ۽ 5 زخمي ٿي پيا آهن. پوليس جو چوڻ آهي ته قومي شاهراهه تي هٿياربندن مسافر بس مان 9 پورهيتن کي اغوا ڪرڻ بعد جبل طرف وٺي ويا. پوليس موجب، مسافر بس ڪوئيٽا کان تفتان وڃي رهي هئي. پوليس جو چوڻ آهي ته هٿياربند اغوا ڪيل 9 ڄڻن کي قتل ڪري فرار ٿي ويا جڏهن ته لاش جبل ويجهو پل هيٺيان مليا. پوليس موجب، مارجي ويل پورهيتن جو تعلق منڊي بهاءُ الدين، گوجرانوالا ۽ وزيرآباد سان آهي. پوليس جو چوڻ آهي ته نوشڪي ۾ قومي شاهه تي هٿياربندن جي گاڏي تي فائرنگ جي ٻئي واقعي ۾ 2 ڄڻا قتل ۽ 5 زخمي ٿي پيا. بلوچستان جي وڏي وزير سرفراز بگٽي نوشڪي ۾ فائرنگ ۾ 11 ڄڻن جي مارجڻ جي مذمت ڪئي آهي. بلوچستان جي وڏي وزير سرفراز بگٽي چيو ته واقعي ۾ ملوث دهشتگردن کي معاف نه ڪيو ويندو، معصوم ماڻهن تي حملي ۾ ملوث دهشتگردن جو پيڇو ڪيو ويندو، دهشتگردي جي واقعن جو مقصد بلوچستان جو امن تباهه ڪرڻ آهي.