جهنڊو مري: منشيات فروشن خلاف ڪارروايون، 12 جوابدار گرفتار، منشيات هٿ

جهنڊو مري ۽ ڀرپاسي وارن علائقن ۾ پوليس منشيات وڪرو ڪندڙن خلاف ڪارروايون تيز ڪندي 12 جوابدارن کي گرفتار ڪري منشيات هٿ ڪري ورتي. پوليس جو چوڻ آهي ته پوليس ڪارروائي دوران آصف، شنڪر، سجاد ساهوال، ارباب اوڏ، نديم ٿيٻو ۽ غلام حسين سميت 12 ڄڻن کي گرفتار ڪري ورتو. پوليس موجب، گرفتار جوابدارن وٽان 440 انڊين گٽڪي جون پڙيون، 355 مين پڙي، 155 گهٽڪا ۽ 115 لٽر شراب هٿ ڪري ورتو. پوليس جو چوڻ آهي ته گرفتار جوابدارن خلاف ڪيس داخل ڪيو ويو آهي، وڌيڪ جاچ ڪئي پئي وڃي.