- Advertisement -
بچاءَ واري وزير خواجه آصف چيو آهي ته حادثاتي حڪومتن ذريعي جنم وٺندڙ نسل شيرواني سِبرائي تيار ويٺي آهي.
سماجي رابطن واري ويب سائٽ ايڪس تي جاري ڪيل بيان ۾ خواجه آصف چيو ته اڄڪلهه وڏيون پريس ڪانفرنسون ۽ ٽي وي شوز ٿي رهيا آهن، ملڪ جي سياست 75 ورهين ۾ ڪيترن ئي حادثن کي جنم ڏنو.
هن چيو ته انهن حادثن ذريعي غير جمهوري سيٽ اپ ٺهندا رهيا جيڪي چونڊن جو پراڊڪٽ ناهن هوندا ۽ ڪڏهن ڪڏهن اهي ظاهري طور چونڊن لاءِ هوندا آهن ۽ ڪڏهن اڻڄاڻيل مدي لاءِ ڊگها ٿي ويندا آهن.
خواجه آصف چيو ته انهن حادثاتي حڪومتي سيٽ پس سياستدانن، ٽيڪنوڪريٽس ۽ ڪاروباري ماڻهن جو اهڙو نسل ڏنو جيڪي هر وقت ڪنهن حادثي جي انتظار ۾ شيرواني سبرائي تيار ويٺا هوندا آهن.
بچاءَ واري وزير چيو ته جڏهن حالتن جي بي يقيني هوندي آهي ته اهي نيون سياسي پارٽيون، پريس ڪانفرنسون ۽ ٽي وي تي نظر ايندا آهن رخ پنڊيءَ طرف ڪن ٿا.- Advertisement -
