حج دوران ڪنهن کي به سياسي نعرا هڻڻ جي اجازت نه هوندي: سعودي حڪومت

سعودي حڪومت خبردار ڪيو آهي ته حج دوران ڪنهن کي به سياسي نعرا هڻڻ جي اجازت نه هوندي. پرڏيهي ميڊيا جي رپورٽ موجب حج بابت سعودي جي وزير توفيق الربيعه ميڊيا سان ڳالهائيندي چيو آهي ته حج عبادت لاءِ آهي، ڪنهن سياسي پارٽي جا نعرا هڻڻ لاءِ نه آهي، انڪري حج دوران ڪنهن کي به سياسي نعرا هڻڻ جي اجازت نه ڏني ويندي. هن چيو ته سعودي حڪومت ان ڳالهه کي يقيني بڻائڻ چاهي ٿي ته حج عاجزي، سڪون ۽ روحانيت جو اعليٰ ترين مظهر هجي. هن وڌيڪ چيو ته هو امن کي يقيني بڻائڻ جا خواهشمند آهن ته جيئن هرڪو آساني سان پنهنجو مناسڪ ادا ڪري سگهي