حق جي جنگ ۾ فتح کانپوءِ پاڪستان کي جيڪو مقام عالمي سطح تي مليو اهو پهريان ڪڏهن به نه مليو: سفير رضوان سعيد

امريڪا ۾ پاڪستان جي سفير رضوان سعيد چيو آهي ته حق جي جنگ ۾ فتح کانپوءِ پاڪستان کي جيڪو مقام عالمي سطح تي مليو اهو پهريان ڪڏهن به نه مليو، جنگ ۾ ڪامياب بعد پاڪستان جو وقار عالمي سطح تي بلند ٿيو.. واشنگٽن ۾ ميڊيا سان ڳالهائيندي پاڪستاني سفير چيو ته گذريل سال پاڪ-امريڪا لاڳاپن ۾ نمايان بهتري آئي، ٻنهي ملڪن جي اعلى قيادت وچ ۾ رابطا قائم ٿيا ۽ پاڪستان جي ان ڪاميابي سفارتڪاري جو ڪريڊٽ قيادت کي وڃي ٿو. سندس چوڻ هو ته پاڪستان جي آمريڪا سان ڊگھي ڀائيواري آهي، امريڪا پاڪستان جي سفارتڪاري ڪاميابي سان جاري آهي ۽ مستقبل ۾ به ٻنهي ملڪن جي شراڪتداري ۾ وڌيڪ بهتري ايندي،. رضوان سعيد شيخ وڌيڪ چيو ته عالمي سلامتي لاءِ پاڪستان هميشه پنهنجو ڪردار ادا ڪيو، پاڪ-امريڪا ڀائيواري عالمي امن ۽ استحڪام لاءِ آهي…………