حڪومت پيٽرول جون قيمتون برقرار رکي ڇڏيون، نوٽيفڪيشن جاري

نگران وفاقي حڪومت پئٽرول ۽ ڊيزل جا اگهه برقرار رکي ڇڏيا آهن. ناڻي واري وزارت طرفان جاري ڪيل نوٽيفڪيشن ۾ ڄاڻايو ويو آهي ته ايندڙ 15 ڏينهن لاءِ پئٽرول ۽ ڊيزل جون قيمتون برقرار رهنديون . پهرين جنوري کان پئٽرول جي في لٽر  جي قيمت 267 رپيا 34 پئسا برقرار رهندي، جڏهن ته ڊيزل جي قيمت به 276 رپيا 21 پئسا في لٽر برقرار رهندي. نوٽيفڪيشن موجب، گاسليٽ جي جي قيمت ۾ 2 رپيا 19 پئسا في لٽر لاٿ ڪئي وئي آهي. نوٽيفڪيشن ۾ چيو ويو ته لائٽ ڊيزل آئل جي في لٽر قيمت ۾ هڪ رپيو  11 پئسا واڌ ڪئي وئي آهي. نوٽيفڪيشن ۾ چيو ويو آهي ته تيل جي قيمتون ايندڙ 15 ڏينهن تائين برقرار رهنديون.