خانپور ويجهو ٻن ڌرين ۾ ڪارنهن تڪرار تان جهيڙي دوران فائرنگ ۾ هڪ ڄڻو قتل

 خانپور ويجهو ٻن ڌرين ۾ ڪارنهن تڪرار تان جهيڙي دوران فائرنگ ۾ هڪ ڄڻو مارجي ويو.

ڳوٺ چمن ۾ دوداڻي برادريءَ جي ٻن ڌرين ۾ پراڻي ڪارنهن تڪرار تان جهيڙو ٿي پيو.

جهيڙي دوران هٿياربندن گوليون هڻي ديدار دوداڻي کي قتل ڪري ڇڏيو.

اطلاع تي پوليس واقعي واري هنڌ پهچي مقتول جو لاش کڻائي اسپتال منتقل ڪيو، جتان پوسٽ مارٽم ڪرائڻ بعد مڙهه وارثن حوالي ڪيو ويو.

پوليس جو چوڻ آهي ته ٻنهي  ڌرين ۾ ڪارنهن مامري تان تڪرار هلندڙ آهي، جنهن جي نتيجي ۾ واقعو پيش آيو آهي.

ٻنهي ڌرين ۾ هلندڙ تڪرار تان  هيل تائين 7 ڄڻا قتل ٿي چڪا آهن.