خيرپور ۾ بيواهه عورت سان بااثر پاران چئن سالن تائين مسلسل زيادتي ڪرڻ جو انڪشاف

خيرپور ۾ بيواهه عورت سان بااثر پاران چئن سالن تائين مسلسل زيادتي ڪرڻ جو انڪشاف ٿيو آهي.

احتجاج ڪندي بيواهه ثمرين پٺاڻ الزام هنيو ته بااثر امداد ڦلپوٽي جنسي زيادتي جو نشانو بڻايو آهي.

هن چيو ته مڙس گلشن ڦلپوٽو جي فوت ٿيڻ بعد هوءَ ڪرائي جي گهر ۾ ٻن ٻارن سميت رهندي آهي، جمعي ڳوٺ جو رهواسي امداد ڦلپوٽو چئن سالن کان کيس بليڪ ميل ڪري جنسي ڏاڍائي جو نشانو بڻائيندو رهيو.

ھن چيو ته انڪار ڪرڻ تان جوابدار امداد ڦلپوٽو پٽ سمير کي قتل ڪرڻ جون ڌمڪيون ڏنيون، شراب جي نشي ۾ ڌت ٿي دوستن سان گڏجي گهر ۾ گهڙي اجتماعي لڄا لٽ جو پڻ نشانو بڻايو.

احتجاج ڪندڙ بيواهه ايس ايس پي خيرپور کان مطالبو ڪيو ته نوٽيس وٺي جوابدار امداد ڦلپوٽو خلاف ڪيس داخل ڪري کيس گرفتار ڪيو وڃي