- Advertisement -
دنيا جي مختلف ملڪن ۾ فلسطين تي اسرائيلي بمباري خلاف احتجاجي مظاهرن جو سلسلو جاري آهي.
اسرائيلي حملن خلاف آمريڪي شهر نيويارڪ ۾ هزارين شهرين طرفان احتجاجي مظاهرو ڪري فلسطين جي آزاديءَ لاءِ نعريبازي ڪئي وئي.
واشنگٽن ۾ هزارين ماڻهن طرفان فلسطينين سان ٻڌيءَ جي اظهار لاءِ احتجاجي مظاهرو ڪيو ويو.
احتجاجي مظاهري دوران فلسطين کي آزاد ڪيو ۽ اسرائيل دهشتگرد رياست جا نعرا هنيا ويا.
احتجاجي مظاهرن دوران وائيٽ هائوس جي چوڌري سڪيورٽي انتظام نهايت سخت ڪيا ويا.
هوڏانهن برطانيا ۾ به هزارين ماڻهن طرفان فلسطين سان ٻڌيءَ جي اظهار لاءِ ريلي ڪڍي لنڊن جي پڪا ڊلي سرڪس تي ڌرڻو هنيو ۽ غزا ۾ فوري طور جنگبندي جو مطالبو ڪيو.
ڌرڻي دوران لنڊن پوليس ڇاپو هڻي 19 مظاهرو ڪندڙن کي لاڪ اپ ڪري ڇڏيو.
هوڏانهن پيرس ۾ به هزارين ماڻهن غزا ۾ جنگبندي جي حق ۾ مارچ ڪيو جڏهن ته برلن ۾ غزا فلسطينين جي نسل ڪشي بند ڪرڻ جو مطالبو ڪيو ويو.
ناروي، آسٽريليا، ٿائلينڊ، ڏکڻ ڪوريا، ايران، قطر ۽ عراق ۾ به فلسطين تي اسرائيلي بمباري خلاف احتجاجي مظاهرا ڪيا ويا.
مظلوم فلسطيني عوام جي حق ۾ چلي ۽ وينزويلا ۾ به احتجاجي مظاهرا ڪيا ويا.- Advertisement -
