دنيا ۾ پهريون ڀيرو AI مس ورلڊ جي نالي سان خوبصورتي جو مقابلو ٿي رهيو آهي

آرٽيفيشل انٽيليجنس پاران ٺاهيل عورتن جي ماڊلز وچ ۾ به خوبصورتي جو مقابلي ٿيو آهي. آرٽيفيشل انٽيليجنس ٽيڪنالاجي کي مختلف شعبن لاءِ استعمال ڪيو پيو وڃي ۽ سوشل ميڊيا تي ان کي استعمال ڪندڙ صارفين به ڪافي سرگرم آهن، پر ڪنهن به اهو نه سوچيو هوندو ته آرٽيفيشل انٽيليجنس ٽيڪنالاجي پاران ٺاهيل عورتن جي اوتارن جي وچ ۾ به خوبصورتي جو مقابلو ٿيندو! جي ها، دنيا ۾ پهريون ڀيرو AI مس ورلڊ جي نالي سان خوبصورتي جو مقابلو ٿي رهيو آهي، ان لاءِ ڏهن AI ڊجيٽل ماڊلز کي مقابلي لاءِ فائنلسٽ طور چونڊيو ويو آهي. مئي 2024 ۾ شروع ٿيل مقابلي لاءِ AI سان ٺاهيل 15 سئو ماڊل جمع ڪرايا ويا، جن جي ڇنڊڇاڻ ڪئي وئي جن مان 10 ڊجيٽل اوتار مقابلي لاءِ چونڊيا ويا. اهي ڏهن AI ماڊل 20 هزار ڊالر جي انعام لاءِ مقابلو ڪندا، انهن 10 فائنلسٽن مان، 2 ترڪي ۽ هڪ بنگلاديش جي ڊجيٽل ماڊل آهي. Seren Ay نالي ماڊل کي ترڪيه جي پهرين AI برانڊ سفير قرار ڏنو ويو آهي جيڪا سڄي دنيا ۾ ڊجيٽل طور تي سفر ڪري ٿي . هي ماڊل ٽن AI پروگرامن ذريعي ٺاهيو ويو آهي ۽ جيڪا اڪثر پنهنجي پوئلڳن کي ترڪيه جي تاريخ بابت ڄاڻ ڏيندي آهي….