راوپنڊي جي دهشتگردي ٽوڙ عدالت پي ٽي آءِ باني جي جي ايڇ ڪيو حملي ڪيس ۾ پيش لاءِ سپرنٽنڊنٽ اڊيالا جيل کي وڊيو لنڪ تياري جو حڪم ڏئي ڇڏيو

راوپنڊي جي دهشتگردي ٽوڙ عدالت پي ٽي آءِ باني جي جي ايڇ ڪيو حملي ڪيس ۾ پيش لاءِ سپرنٽنڊنٽ اڊيالا جيل کي وڊيو لنڪ تياري جو حڪم ڏئي ڇڏيو. جي ايڇ ڪيو حملي ڪيس جي ٻڌڻي دهشتگردي ٽوڙ عدالت جي جج امجد علي شاهه جي روبرو ٿي. اڄ به ڪيس جو ٽرائل نه ٿي سگهي جنهن کانپوءِ جوابدار شيخ رشيد، سيمابيه، طاهر ۽ ٻيا حاضري لڳائي واپس روانا ٿي ويا، ٻڌڻي دوران وڊيو لنڪ آن نه ٿي سگهي. ڪيس جي ٻڌڻي دوران وڪيلن طرفان پي ٽي آءِ باني سان فوري ملاقات ڪرائڻ جي درخواست داخل ڪئي وئي. وڪيل فيصل ملڪ موقف اختيار ڪيو ته ڪلائنٽ پي ٽي آءِ باني سان ڪيس جي سلسلي ۾ صلاح مشورو ضروري آهي. جاچ آفيسر عدالت کي ٻڌايو ته ڪيس جا شاهد ڪرڪيٽ اسٽيڊيم ڊيوٽي تي آهن جنهن تي عدالت شاهن کي طلب ڪندي ڪيس جي ٻڌڻي 3 ڊسمبر تائين ملتوي ڪري ڇڏي. عدالت چيو ته ايندڙ ٻڌڻي وڊيو لنڪ واٽس ايپ ڪال تي ٿيندي، عدالت سرنٽنڊنٽ اڊيالا جيل کي جيل ۾ پي ٽي آءِ باني جي پيش لاءِ وڊيو لنڪ تياري جو حڪم ڏئي ڇڏيو.