راڻيپور: ڪچي آبادي ۾ گونگي نينگري کي اغوا ڪرڻ جي ڪوشش، جوابدار گرفتار

 راڻيپور ۾ گونگي نينگري کي اغوا ڪرڻ جي ڪوشش  ڪندڙ جوابدار کي پوليس گرفتار ڪري ورتو آهي.

ڪچي آبادي ۾جوابدار غفار شاهاڻي پاران مبينا طور گونگي نينگري کي اغوا ڪرڻ جي ڪوشش دوران پوليس پهچي جوابدار کي گرفتار ڪري ورتو.

نينگري جي والد نظير ناريجو  ميڊيا اڳيان دانهيندي چيو ته جوابدار غفار شاهاڻي گهر ۾ گهڙي سندن نينگريءَ کي اغوا ڪرڻ جي ڪوشش ڪئي.

هنن چيو ته بروقت اطلاع تي پوليس ڪارروائي ڪري جوابدار غفار شاهاڻي کي گرفتار ڪري ورتو آهي.

پوليس موجب جوابدار جو ميڊيڪل ليٽر پڻ جاري ڪيو ويو آهي، ليڊي ڊاڪٽرياڻي گونگي نينگري جا به جزا پڻ وٺي ڇڏيا آهن.

جوابدار جو چوڻ هو ته نظير ناريجو سان سٺا لاڳاپا آهن هنن جهيڙو ڪري اغوا جو ڪوڙو ڊرامو رچائي کيس گرفتار ڪرايو آهي.