راڻيپور ۾ مبينا پوليس مقابلو، هڪ ڏوهاري زخمي حالت ۾ گرفتار

راڻيپور ۾ مبينا پوليس مقابلي دوران هڪ ڏوهاري کي زخمي حالت ۾ گرفتار ڪري هٿيار هٿ ڪيا ويا آهن. درازا لنڪ روڊ تي پوليس ۽ ڏوهارين ۾ مقابلو ٿي پيو. پوليس مقابلي دوران هڪ ڏوهاري کي زخمي حالت ۾ گرفتار ڪري ورتو. پوليس جو چوڻ آهي ته زخمي حالت ۾ گرفتار ڏوهاري جي ڊيشان عرف ڊيشو ملاح طور سڃاڻپ ٿي آهي جنهن کي اسپتال منتقل ڪيو ويو. پوليس موجب، گرفتار جوابدار وٽان پسٽل ۽ گوليون هٿ ڪيون ويون آهن. پوليس جو چوڻ آهي ته گرفتار جوابدار خلاف سرڪاري فرياد تي ڪيس داخل ڪيو ويو آهي وڌيڪ جاچ ڪئي پئي وڃي…..