رتيديري ڀرسان هٿياربند ٽريننگ لاءِ لاڙڪاڻي ويندڙ 23 اهلڪارن کي وين ڊرائيور ۽ ڪلينر سميت يرغمال بڻائي روڪ رقم، موبائل فون، وين ۽ ٻيو سامان ڦر ڪري ويا آهن

رتيديري ڀرسان هٿياربند ٽريننگ لاءِ لاڙڪاڻي ويندڙ 23 اهلڪارن کي وين ڊرائيور ۽ ڪلينر سميت يرغمال بڻائي روڪ رقم، موبائل فون، وين ۽ ٻيو سامان ڦر ڪري ويا آهن. ڀانڊو قبو ڀرسان ڏهه کان وڌيڪ هٿياربندن هٿيارن جي زور تي ڪشمور کان پي ٽي ايس ٽريننگ سينٽر لاڙڪاڻي ويندڙ وين سوار 23 پوليس اهلڪارن کان ڦر ڪئي. هٿياربند، 23 اهلڪارن کي وين ڊرائيور ۽ ڪلينر سميت يرغمال بڻائي روڪ رقم، موبائل فون، وين ۽ ٻيو سامان ڦر ڪري ويا. اطلاع ملڻ بعد پوليس واقعي واري هنڌ پهچي تفصيل معلوم ڪيا. ٽريننگ تي ويندڙ اهلڪارن جو چوڻ آهي ته هو ڪشمور کان لاڙڪاڻي ٽريننگ تي وڃي رھيا ھئا ته هٿياربندن يرغمال بڻائي موبائل فون، روڪ رقم، وين ۽ ٻيو قيمتي سامان ڦر ڪري فرار ٿي ويا آهن. هنن اعليٰ اختيارين کان مطالبو ڪيو ته معاملي جو نوٽيس وٺي جوابدارن کي گرفتار ڪري ڦر ٿيل وين ۽ سامان واپس ڪرايو وڃي. ياد رهي ته آچر ڏينھن پ پ اڳواڻ مير شاهزيب خان جلباڻي جي گهر ۾ به لڳ ڀڳ هڪ ڪروڙ جو ڌاڙو لڳو هو.