رفاح تي زميني حملو ٿيو ته اسرائيل کي هٿيارن جي فراهمي روڪي ويندي : جوبائيڊن

آمريڪي صدر جوبائيڊن اسرائيل کي خبردار ڪندي چيو آهي ته جيڪڏهن غزا جي شهر رفاح تي زميني حملو ڪيو ويو ته اسرائيل کي هٿيارن جي فراهمي روڪي ويندي، اسرائيل تي ماضي جهڙو حملو روڪڻ کي يقيني بڻائڻو پوندو. آمريڪي خابرو اداري کي ڏنل انٽرويو ۾ جوبائيڊن چيو ته اسرائيل رفاح ۾ وڃي ٿو ته هو اهي هٿيار فراهم نه ڪري رهيو آهي جيڪي تاريخي طور رفاح کي منهن ڏيڻ لاءِ استعمال ٿيندا رهيا آهن. سندس چوڻ هو ته هو ان ڳالهه کي به يقيني بڻائي رهيا آهن ته اسرائيل تي ماضي جهڙو حملو ٻيهر نه ٿئي. آمريڪي صدر جوبائيڊن چيو ته هو اسرائيل کي هٿيار، بم ۽ گولا فراهم نه ڪري رهيا آهن ۽ ان بابت اسرائيلي صدر توڙي جنگي ڪابينا کي به آگاهه ڪيو ويو آهي. آمريڪي صدر جوبائيڊن غزا ۾ شهرين کي مارڻ لاءِ آمريڪي هٿيارن جي استعمال جو اعتراف به ڪيو آهي.