سامونڊي طوفان اسنيٰ راڄڌاني ڪراچي سميت سنڌ جي سامونڊي پٽيءَ کان پري وڃڻ شروع ٿي ويو

سامونڊي طوفان اسنيٰ راڄڌاني ڪراچي سميت سنڌ جي سامونڊي پٽيءَ کان پري وڃڻ شروع ٿي ويو. موسميات کاتي جو چوڻ آهي ته طوفان عربي سمنڊ جي اتر اوڀر ۾ موجود آهي ۽ بلوچستان جي سامونڊي پٽي ڏانهن وڌندي طوفان جو رخ عمان طرف ٿيندو. موسميات کاتي موجب، طوفان جو ڪنهن به سامونڊي پٽي سان ٽڪرائجڻ جو امڪان ناهي ۽ سمنڊ ۾ ئي ڪمزور ٿي ختم ٿيڻ جو امڪان آهي، هوا جو دٻاءُ شدت اختيار ڪري ڊپريشن بڻجي چڪو آهي. موسميات کاتي جو چوڻ آهي ته هي سسٽم ڀارتي گجرات ۽ راجسٿان تي اثر انداز ٿيندو جڏهن ته ايندڙ ٽن کان چئن ڏينهن ۾ هي سسٽم اوڀر سنڌ تي اثر انداز ٿي سگهي ٿو. موسميات کاتي موجب، راڄڌاني ڪراچي سميت سنڌ جي سامونڊي پٽيءَ تي طوفان جي اثرن جي اڳڪٿي ڪرڻ وقت کان اڳ هوندو.