سلامتي ڪائونسل ۾ لبنان ۽ اسرائيل وچ ۾ جنگ جي معاملي تي ڊيڊڪ لاڪ کي گڏيل قومن جي ناڪامي نٿو چئي سگهجي : ترجمان

گڏيل قومن جي ترجمان اسٽيفن دوجاريڪ چيو آهي ته سلامتي ڪائونسل ۾ لبنان ۽ اسرائيل وچ ۾ جنگ جي معاملي تي ڊيڊڪ لاڪ کي گڏيل قومن جي ناڪامي نٿو چئي سگهجي.

هڪ ٽي وي چينل کي انٽرويو ڏيندي گڏيل قومن جي ترجمان جو چوڻ هو ته سلامتي ڪائونسل ۾ ڊيڊ لاڪ يو اين سيڪريٽري جنرل کي پنهنجا فرض انجام ڏيڻ کان روڪي نٿو سگهجي.

هن وڌيڪ چيو ته گڏيل قومن کي ناڪام چوندڙ ڏسندا ته گڏيل قومن جو ڪهڙو ادارو فعال آهي.

گڏيل قومن جي ترجمان امن مشن ۾ پاڪستان جي ڪردار جي واکاڻ ڪندي چيو ته پاڪستان دهشتگردي سان گڏوگڏ موسمياتي تبديلي کي به منهن ڏئي رهيو آهي، ان ڪري ٻوڏ سبب تباهي کانپوءِ سيڪريٽري جنرل پاڪستان ويو هو.