سنڌ جا سمورا جيل شهري آبادي کان ٻاهر هجڻ گهرجن : عمر سومرو

قانون واري نگران صوبائي  وزير عمر سومري چيو آهي ته سنڌ جا سمورا جيل شهري آبادي کان ٻاهر هجڻ گهرجن. ڪراچي ۾ تقريب کي خطاب ڪندي نگران صوبائي وزير عمر سومري چيو ته، ڪراچي سينٽرل  جيل کي شهر کان ٻاهر منتقل ڪرڻ جي ضرورت آهي، سنڌ جي عدالتن جي ڪارروائي لائيو اسٽريمنگ ٿيڻ گهرجي. سندس چوڻ هو ته سنڌ حڪومت وٽ تمام گهڻا فنڊز آهن پر اهي صحيح استعمال نه پيا ٿين، نوجوان ملڪ جو مستقبل آهن، انهن کي اڳتي آڻڻو پوندو. نگران صوبائي وزير چيو ته سنڌ حڪومت وٽ تمام گهڻا فنڊز آهن، پر اهي استعمال صحيح نه پيا ٿين. هن چيو ته سنڌ حڪومت جون صوبي ۾ 18 لا ڪاليجز آهن. عمر سومري چيو ته نوجوان ملڪ جو مستقبل آهن، انهن کي اڳتي آڻڻو پوندو.