سنڌ جي راڄڌاني ڪراچي سميت مختلف شهرن ۾ ڪٿي هلڪي ته ڪٿي تيز برسات کانپوءِ ٿڌ جي لهر ۾ اضافو

سنڌ جي راڄڌاني ڪراچي سميت سنڌ جي مختلف شهرن ۾ سياري جو پهريون وسڪارو ٿيڻ سبب ٿڌ ۾ واڌ ٿي وئي آهي. ڪراچي جي صدر، ڊفينس، ٽاور، اولڊ ايريا ۽ محمود آباد، ٽاور، اولڊ ايريا، سنڌ مسلم سوسائٽي ۾ تيز برسات ٿيڻ سبب ٿڌ ۾ اضافو ٿي ويو. گلشن حديد، رزاق آباد، طارق روڊ، نرسري، ڪارساز، ڪالاپل ۽ ٻين علائقن ۾ وسڪارو ٿيڻ روڊن تي گندگيءَ سبب مسافرن کي سخت ڏکيائين کي منهن ڏيڻو پيو. حيدرآباد، لاڙڪاڻو، ٺٽو، ٽنڊي محمد خان، ڄامشوري، عمرڪوٽ، جاتي، نبي سرٿر، ڪنري، گولاڙچي، گهوڙاٻاري، پڊعيدن، ماتلي ۽ ٻين علائقن ۾ به سياري جو پهريون وسڪارو ٿيڻ سبب ٿڌ ۾ اضافو ۽ ڪوهيڙو ختم ٿي ويو. ڪڪڙ، چمبڙ، ٽنڊي ڄام، اوڏيرو لال، ڪوٽ غلام محمد، نبي سر روڊ، قبي سعيد خان، ٽالهي ۽ ٻين شهرن ۾ برسات سبب سيءُ وڌي ويو، مواصلاتي نظام ڊانواڊول ٿي ويو.