سنڌ جي مختلف علائقن ۾ حادثن ۾ ٻن عورتن سميت 4 ڄڻا فوت ٿي ويا

سنڌ جي مختلف علائقن ۾ حادثن ۾ ٻن عورتن سميت 4 ڄڻا فوت ٿي ويا آهن، جڏهن ته نينگريءَ سميت 3 ڄڻا زخمي ٿي پيا آهن.

ميان صاحب ۾ نيشنل هاءِ وي تي ڪار ۽ موٽرسائيڪل جي ٽڪر ۾ 2 عورتون لال خاتون عيساڻي ۽ صاحبان عيساڻي فوت ٿي ويو، جڏهن ته نينگريءَ سميت 3 ڄڻا زخمي ٿي پيا آهن.

ڪنري ويجهو ڳوٺ هاشم پلي واسي نوجوان ڏانو موٽرسائيڪل سلپ ٿيڻ سبب ڪري فوت ٿي ويو.

ڪوٽڏيجي ويجهو ٽرڪ ڊرائيور ٽائر مٽائڻ دوران ٽرڪ جي هيٺان اچي چيڀاٽجي فوت ٿي ويو.

نارو روڊ تي ٽرڪ ڊرائيور ڪاشف عباس آرائين ٽرڪ جو ٽائر مٽائي رهيو هو ته جيڪ نڪري وڃڻ سبب ٽرڪ هيٺان اچي چيڀاٽجي موقعي تي ئي فوت ٿي ويو.

سمورن فوتين ۽ زخمين کي مختلف اسپتالن ڏانهن منتقل ڪيو ويو، ضروري ڪارروائي بعد مڙهه وارثن حوالي ڪيو ويا، لاش گهر پهچڻ تي ڪهرام مچي ويو.