سنڌ جي نامزد وڏي وزير جسٽس رٽائرڊ مقبول باقر  نگران سيٽ اپ جي مدي ۾ واڌ جو امڪان رد

سنڌ جي نامزد وڏي وزير جسٽس رٽائرڊ مقبول باقر  نگران سيٽ اپ جي مدي ۾ واڌ جو امڪان رد ڪري ڇڏيو.

ڪراچيءَ ۾ پنهنجي رهائشگاهه تي سنڌ ٽي وي نيوز سان خاص ڳالهه ٻولهه ڪندي جسٽس رٽائرڊ مقبول باقر چيو ته ملڪ ۾ اهڙي صورتحال ناهي جو ڪو به قدم آئين کان هٽي ڪري سگهجي.

پنهنجي ڪابينا بابت سوال جي جواب ۾ سندس چوڻ هو ته ڪابينا ۾ اهم، سچن، ايماندار ۽ ڪميٽيڊ ماڻهن کي شامل ڪيو ويندو.

جسٽس رٽائرڊ مقبول باقر هڪ سوال جي جواب ۾ چيو ته هن فيصلا به آئين ۽ قانون موجب ڪيا آهن ۽ نگران وڏي وزير طور ڪم به آئين ۽ قانون موجب ڪندو.

بدامني تي ضابطو آڻڻ بابت هڪ ٻي سوال جي جواب ۾ سندس چوڻ هو ته اڳ ۾ هو ڏسندو ته ڪٿي ڪوتاهي، غفلت ۽ ڪمزوري آهي ان کانپوءِ فيصلو ڪيو ويندو.