سنڌ حڪومت جي حڪم تي هٿرادو مهانگائي ڪندڙن خلاف خاص مهم جاري

رمضان شريف جي آمد کان اڳ سنڌ حڪومت جي هدايت تي ڪراچي انتظاميا پاران هاڪاري ڪارروائي ڪندي وڌيڪ اگهه وٺندڙ 163 دڪاندارن مٿان 6 لک 46 رپيا ڏنڊ وڌو ويو آهي. ڪراچيءَ جي ڪمشنر محمد سليم راجپوت چيو ته رمضان المبارڪ ۾ شهرين کي رليف فراهم ڪرڻ لاءِ خاص قدم کنيا ويا آهن، ڊپٽي ڪمشنرن، اسسٽنٽ ڪمشنرن ۽ مختيار ڪارن جي نگراني ۾ روزانو قيمتون چيڪ ڪيون پيو وڃن. سندس چوڻ هو ته پوليس بيورو آف سپلاءِ خوراڪ کاتو، وزن ۽ پيمائش کاتي جي آفيسرن کي انتظاميا جي آفيسرن جي مدد لاءِ متحرڪ ڪيو ويو آهي، وڌيڪ اگهه وٺندڙ 163 دڪاندارن مٿان 6 لک 46 رپيا ڏنڊ وڌو ويو آهي. ڪراچي جي ڪمشنر محمد سليم راجپوت چيو ته ڏکڻ ضلعي ۾  وڌيڪ اگهه وٺندڙ 36 دڪاندارن تي 2 لک 15 هزار رپيا، اوڀر ضلعي جي 12 دڪاندارن تي 85 هزار رپيا ۽ اولهه ضلعي ۾ 42 دڪاندارن تي 72 هزار رپيا ڏنڊ وڌو ويو. هن چيو ته سينٽرل ضلعي ۾ وڌيڪ اگهه وٺندڙ 16 دڪاندارن تي هڪ لک 45 هزار رپيا، ڪورنگي ۾ چئن دڪاندارن تي 35 هزار ۽ ملير ضلعي جي 30 دڪاندارن تي 54 هزار رپيا ڏنڊ وڌو ويو آهي. ڪراچيءَ جي ڪمشنر چيو ته ڪياماڙي ۾ 23 هول سيلرز تي 40 هزار رپيا ڏنڊ وڌو ويو آهي، گذريل پنجن ڏينهن دوران منافعي خورن خلاف ڪاررواين دوران 42 لک رپيا ڏنڊ وڌو ويو.