سنڌ سميت سڄي دنيا ۾ رهندڙ سنڌين لاءِ اڄ عيد جو ڏينهن آهي : ذوالفقار علي شاهه

سنڌ جي ثقافت ۽ سياحت واري صوبائي وزير سيد ذوالفقار علي شاهه پاران سنڌ جي ثقافتي ڏهاڙي تي سنڌ جي عوام کي مبارڪباد پيش ڪئي آهي. ثقافتي ڏهاڙي جي موقعي تي جاري ڪيل بيان ۾ صوبائي وزير سيد ذوالفقار علي شاهه چيو ته موهن جي دڙي جا وارث ۽ هڪ پرامن خوشحال ثقافت جا مالڪ آهيون هن چيو ته موهن جي دڙي مان ڪو به هٿيار هٿ نه آيو، موهن جي دڙي جي ثقافت امن، پيار ۽ محبت جي ثقافت آهي. صوبائي وزير جو چوڻ هو ته قلندر، ڀٽائي، سچل جي ڌرتي انسانيت سان محبت جو درس ڏئي ٿي، سنڌي ماڻهو هر ثقافت ۽ تهذيب جو احترام ڪن ٿا. سيد ذوالفقار علي شاهه چيو ته سنڌ سميت سڄي دنيا ۾ رهندڙ سنڌين لاءِ اڄ عيد جو ڏينهن آهي، ثقافتي ڏهاڙو ملهائيندڙن کي مبارڪباد پيش ڪريان ٿو.