سنڌ هاءِ ڪورٽ سنڌ ۾ درسي ڪتابن جي کوٽ جو جائزو وٺڻ لاءِ هر ضلعي جي سيشن جج کي حڪم ڏئي ڇڏيو

سنڌ هاءِ ڪورٽ سنڌ ۾ درسي ڪتابن جي کوٽ جو جائزو وٺڻ لاءِ هر ضلعي جي سيشن جج کي حڪم ڏئي ڇڏيو. سنڌ جي موجوده تعليمي سال اسڪولن ۾ درسي ڪتاب نه ملڻ خلاف ڪيس جي ٻڌڻي جسٽس صلاح الدين پنهور ڪئي. عدالت سنڌ ۾ درسي ڪتابن جي کوٽ جو جائزو وٺڻ لاءِ هر ضلعي جي سيشن جج کي حڪم ڏنو. سنڌ هاءِ ڪورٽ تعليم کاتي ۾ ڊيپوٽيشن يا ايڊهاڪ جي بنياد تي ڪم ڪندڙ آفيسرن جا تفيصل به طلب ڪري ورتا. عدالت حڪم ڏيندي چيو ته صوبي جي هر ضلعي ۾ ضلعي سيشن جج پنهنجي نگراني ۾ لاڳاپيل ضلعي جي جوڊيشل مجسٽريٽ کي اسڪولن جا دوران ڪري جائزو وٺي جاچ پڙتال ڪن ۽ هيڊماسترن کان رپورٽ طلب ڪن ته موجوده تعليمي سال اسڪولن کي درسي ڪتاب مليا آهن يا نه انهن جو به جائزو ورتو وڃي. عدالت ايندڙ ٻڌڻي 9  آڪٽوبر تائين ملتوي ڪندي تعليم کاتي واري سيڪريٽري کي ذاتي حثيت ۾ پيش ٿي ڪري اڳڀرائي واري رپورٽ پيش ڪرڻ جو حڪم ڏنو.