سنڌ هاءِ ڪورٽ ڊاڪٽرياڻي سارا ملڪ جي لاش هٿ اچڻ واري ڪيس ۾ گرفتار جوابدار جي ضمانت منظور

سنڌ هاءِ ڪورٽ ڊاڪٽرياڻي سارا ملڪ جي لاش هٿ اچڻ واري ڪيس ۾ گرفتار جوابدار جي ضمانت منظور ڪري ورتي آهي.

عدالت ٻن  لک رپين جي مچلڪن عيوض  جوابدار شان سليم جي ضمانت منظور ڪري ورتي.

سنڌ هاءِ ڪورٽ ٽرائل ڪورٽ کي ٻن مهينن ۾ ڪيس اڪلائڻ جو حڪم ڏئي ڇڏيو آهي.

جوابدار جي وڪيل دليل ڏيندي چيو ته ڊاڪٽر سارا آپگهات ڪيو هو، سندس اصيل تي لڳايل الزام بي بنياد آهن، واقعي جو ڪو به اکين ڏٺو شاهد ناهي.

پراسيڪيوشن چيو ته جوابدار پنهنجي آفيس ۾ لڳل سي سي ٽي جا فوٽيجز ڊليٽ ڪري ڇڏيا هئا.

واضح رهي ته 6 جنوري 2023ع تي ڊاڪٽر سارا جو لاش دو درياهه واري علائقي مان هٿ آيو هو.