سنڌ هائيڪورٽ سڪرنڊ واقعي خلاف داخل درخواست ٻڌڻي لاءِ منظور ڪندي سنڌ سرڪار، گهرو سيڪريٽري، آءِ جي، ڊي آءِ جي شهيد بينظير آباد، ايس ايس پي ۽ ٻين کي نوٽيس جاري

سنڌ هائيڪورٽ سڪرنڊ واقعي خلاف داخل درخواست ٻڌڻي لاءِ منظور ڪندي سنڌ سرڪار، گهرو سيڪريٽري، آءِ جي، ڊي آءِ جي شهيد بينظير آباد، ايس ايس پي ۽ ٻين کي نوٽيس جاري ڪندي هڪ هفتي اندر جواب طلب ڪري ورتو.سنڌ هائيڪورٽ ۾ سڪرنڊ واقعي خلاف داخل درخواست جي ٻڌڻي جسٽس نعمت الله ڦلپوٽي جي سربراهيءَ ۾ ٻه رڪني بينچ ڪئي.درخواست ۾ موقف اختيار ڪيو ويو آهي ته پوليس ۽ قانون لاڳو ڪندڙ ادارن جي ڪارروائي دوران چار ڳوٺاڻا شهيد، عورتن ۽ ٻارڙن سميت 12 کان وڌيڪ ڳوٺاڻا زخمي ٿيا آهن.درخواست ۾ چيو ويو ته پوليس ماڙي جلباڻي واقعي جو پنهنجي مرضي سان ڪيس داخل ڪيو آهي، واقعي ۾ ملوث جوابدارن کي گرفتار ڪري حاضر سروس ججن تي ٻڌل عدالتي ڪميشن جوڙي وڃي.