- Advertisement -
سنڌ هائيڪورٽ 2018ع کان گم ٿيل شهري جي بازيابي بابت درخواست جي ٻڌڻي ڪئي، جنهن ۾ جاچ آفيسر عدالت ۾ پيش نه ٿي سگهيو.
جاچ آفيسر جي پيش نه ٿيڻ تي سخت ڪاوڙ جو اظهار ڪندي جسٽس ارشاد حسين خان ريمارڪس ڏيندي چيو ته گذريل ٻڌڻي تي به جاچ آفيسر پيش نه ٿيو ۽ نه ئي ڪا رپورٽ پيش ڪئي وئي، جاچ آفيسر ڪو ڪم نٿو ڪري ۽ نه ئي عدالت ۾ پيش ٿو ٿئي.
ٻڌڻي دوران گم ٿيل شهري جي ماءُ عدالت ۾ روئيندي ٻڌايو ته سندس پٽ واجد حسين 2018 کان گلستان جوهر مان گم آهي، جنهن جي ڪا به خبر ناهي پئجي سگهي.
ٻڌڻي دوران جسٽس عمر سيال ڪاوڙ جو اظهار ڪندي چيو ته اغوا يا گمشدگي جو هر ڪيس سندن حوالي ڪيو ويندو آهي، ڇا اسان پوليس اسٽيشن بند ڪري ڇڏيون.
عدالت درخواستگذار جي وڪيل کي ڪيس ۾ تياري ڪري اچڻ جي هدايت ڪندي ٻڌڻي چئن هفتن لاءِ ملتوي ڪري ڇڏي- Advertisement -
