سنڌ پبلڪ سروس ڪميشن تعليم کاتي ۾ ليڪچرار فزڪس بي پي ايس 17 جا حتمي نتيجا جاري ڪري ڇڏيا

سنڌ پبلڪ سروس ڪميشن تعليم کاتي ۾ ليڪچرار فزڪس بي پي ايس 17 جا حتمي نتيجا جاري ڪري ڇڏيا آهي، مجموعي طور 80 اميدوارن کي ڪامياب قرار ڏنو ويو. صحت کاتي ۾ وومين ميڊيڪل آفيسر بي پي ايس 17 ۽ اسٽاف نرس بي پي ايس 16 ۽ لائيو اسٽاڪ اينڊ فشريز کاتي ۾ اسسٽنٽ بي پي ايس 16 جي لکت واري امتحان جي نتيجن موجب مجموعي طور ٻه هزار چار سئو 84 اميدوارن پاس ٿيا آهن. سنڌ پبلڪ سروس ڪميشن ليچرار فزڪس جي زباني امتحان ۾ 80 اميدوارن جي ڪاميابي جو اعلان ڪري تعيلم کاتي کي سندن مقرري جي سفارش ڪئي آھي. صحت کاتي ۾ وومين ميڊيڪل آفيسر بي پي ايس 17 لاءِ 1159 اميدوار، اسٽاف نرس بي پي ايس 16 لاءِ 1273 اميدوار ۽ لائيو اسٽاڪ کاتي ۾ اسسٽنٽ بي پي ايس 16 لاءِ 52 اميدوارن کي لکت واري امتحان ۾ ڪامياب قرار ڏنو ويو. ڪامياب اميدوارن جي تفصيلي فهرست سنڌ پبلڪ سروس ڪميشن جي ويب سائيٽ تي اپلوڊ ڪئي وئي آھي.